Sheeko: Dhagaxa wadada yaala

Boqor taajir ahaa ayaa maalin waxaa uu go'aansaday in uu waddo ku gooyo dhagax weyn. Isagoo doonaya in uu tijaabiyo shacabkiisa.

Dad kala duwan ayaa wadada maraya balse gees ayay ka mareeyn dhagaxii iyaga oo cambaareynaya boqorka in uusan wadooyinka daryeelin.

Dhagaxii ayaa maalintii oo dhan wadada yaalay oo qofna iskuma dayin uu dhagaxa wadada ka qaado.

Ugu dambeyntii waxaa soo maray nin xamaali ah oo wada alaab culus. Ma uusan sameyn sidii dadkii ka horeeyay ee xamuulkii ayuu inta dhulka dhigay waxa uu xoogiisa isugu geeyay in uu dhagaxa wadada ka leexiyo.

Markii uu dhagaxa riixay ayuu arkay boorso ku hoos qarsoon. Boorsadii ayuu furay, mise waxaa ka jira dahab iyo fariin ka socota boqorka, taasoo uu ugu sheegay in dahabku uu yahay abaalmarintiisa.

Nuxurka sheekada ayaa ah in caqabad walba oo ku soo marta ay ka dhalan karto fursad aadan fileyn.