Sheeko: Iska fur xariga kugu xiran

Nin ayaa soo maray koox maroodiyaal ah oo lagu dabray xargo yar. Kuma xirno silsilad ama xero.

Way iska cadahay in maroodiyaashu ay daqiiqad walba iska jari karaan xariga balse ay jidho sabab meesha ku celinaysa.

Waxa uu weydiiyay nin ka mid ah kuwa ilaaliya maroodiyaasha sababta aysan iyaga oo sidaa u xoog badan aysan u jareyn xarig.

Waxa uu ugu jawaabay "Markii ay yaraayeen ayaan ku xiri jirnay xariga. Xiligaa ma aysan jari karin xariga balse marka ay koreen waxay wali aaminsanyihiin in aysan xariga goyn karin oo maba isku dayaan."

Sida maroodiyaasha oo kale, ayaa dad badan waxaa ku xiran xarig maskaxda ah oo ay aamineen in aysan wax qaban karin, iyagoo ama aan isku dayin ama hore ugu fashilmay wax kale.

Fashilku iyo waxbarashadu waa qeyb ka mid ah nolosha. Waa in aad marwalba sameysaa isku day.