Waraabe ayaa fariin u diray idaha si ay u heshiiyaan. Waxa uu ku yiri "colaada naga dhex taagan waxaa masuul ka ah dadka. Haddii dadku ay naga dhex baxaan waxaan noqon karnaa saaxiibo fiican."
Idaha oo lagu yaqaano caqli xumo ayaa hadalka waraabaha u qaatay run.
Waxay ku yiraahdeen dadkii ilaalinayay "ilaalada waxaa nooga qaadeen xoriyada. Oo waxaad noo diideen in aan saaxiibo yeelano." Waxay bilaabeen in ay ka fogaadaan dadkii ilaalinayay.
Habeenkii markii la gaaray iyagoo cidlo meel iska daaqaya ayaa waraabihii si fiican ugu casheeyay.
Imisa goor ayay dhacdaa gabadh waalidkeed kula dagaasha in xoriyada laga qaaday? In lagula dagaalay habeenkii waqti dambe ha bixin? Nimanka iska ilaali iwm.
Laakiin xaqiiqada ayaa ah in waalidku dantaada waddaan oo keliya. Ragga waxaa ku jira waraabayaal badan oo haddii ay fursad kugu helaan kaaga faa'idaysanaya.
Ha noqon sida neef ida ah oo uusan waraabuhu banaanka kugu cunin.