Nin ayaa guursaday gabar aad u qurux badan. Gabadha aad ayuu u jeclaa ninka oo indhaha kama uusan qaadi jirin quruxdeeda.

Nasiib daro gabadhii waxaa ku dhacay cudur maqaarka gala, oo jirkeeda waxa uu noqday foolxumo. Gabadha ayaa  aad uga cabsan jirtay in uu ninkeeda ka tago maadaama ay quruxdii foolxumo isku bedashay.

Ninkeeda ayaa mar walba u sheegi jirin in uusan u guursan quruxda keliya balse wali kalsooni kuma qabin hadalkiisa.

Maalin ayaa ninkii waxa uu galay shil gaari. Dhaawac ayaa soo gaaray oo hospitaalka ayaa loola cararay. Nasiib daro ninkii markii uu soo toosay waxba ma uusan arkeyn.

Xaaskiisa ayaa waxay u noqotay indho, iyadoo hawl kasta iyo meel kasta oo uu aadayo ka caawin jirtay.

Sanado ka dib ayaa xaaskii geeriyootay. Maalintii la soo aasay ayaa nin saaxiibkiis ah waydiiday

"Saaxiib maadaama xaaskaaga oo gacantada midig ahayd ay dhimatay, yaa ku caawinaya?"

Ninkii ayaa ku jawaabay

"Saaxiib wax waan arkaa oo indhaha waxba kama qabo."

"Waxaan indhoole isaga dhigay xaaskeyda darteed in aysan ka cabsi qabin in aan uga tago foolxumo darteed."

Quruxdu waa qalbiga ee haku sirmin muuqaalka keliya.